पुणे : अखिल मराठी बुद्धिबळ संघटनेच्या वतीने, पुणे जिल्हा बुद्धिबळ संघटनेतर्फे आयोजित आंतरराष्ट्रीय मानांकन खुला गट राज्य निवड चाचणी फिडे रेटिंग स्पर्धा नुकतीच पुण्यात पार पडली. या स्पर्धेत संपूर्ण राज्यातून २३३ खेळाडू सहभागी झाले होते. या स्पर्धेत औरंगाबादची ऋतुजा बक्षी प्रथम क्रमांकाची विजेती ठरली. अन्य विजेत्यांमध्ये ऋषी कदम, वेदांत पिंपळखरे, सिद्धांत ताम्हणकर, केवल निर्गुण, आविष्कार वानखेडे, संजीव मिश्रा, सौरभ म्हमाणे, अभिजित बिलपे, सोहम पवार यांचा समावेश आहे.
स्पर्धेतील विजेत्यांना जागतिक दिव्यांग बुद्धिबळ स्पर्धा विजेते व शिवछत्रपती पुरस्कार विजेते शशिकांत कुतवळ यांच्या हस्ते पारितोषिके देण्यात आली. या वेळी शिवभूमी शिक्षण मंडळाचे सहसचिव संग्राम कोंडे, शिवछत्रपती राज्य पुरस्कार प्राप्त आंतरराष्ट्रीय प्रशिक्षक जोसेफ डिसुझा, राज्य बुद्धिबळ संघटनेचे कोषाध्यक्ष व पुणे जिल्हा संघटनेचे सचिव राजेंद्र कोंडे, पुणे जिल्हा बुद्धिबळ संघटनेचे सदस्य अभिजित जोशी उपस्थित होते.
स्पर्धेच्या यशस्वी आयोजनासाठी जितेंद्र वाळिंबे, वैष्णवी बापट, सुरेश देशपांडे आदींनी मेहनत घेतली. स्पर्धेचे प्रमुख पंच म्हणून राजेंद्र शिदोरे यांनी काम पाहिले, तर सह पंच म्हणून पवन राठी, दीप्ती शिदोरे, शार्दूल तपासे, वैभव देशमुख, श्रद्धा विंचवेकर यांनी काम पाहिले.
